差不多一年無寫blog, 觸碰著心靈的一席話, 令我不其然回來了....

 

    芝:   點解koey 媽咪唔多想傾偈?

芝媽:  工作忙, 又要湊女, 辛苦唔開心有心事咪唔鍾意講野....  

 

對, 我承認女女出生後, 一直讓自己忙下去,

六點半起身沖涼梳洗, 七點餵奶, 整理好七點半出門口返工, 七點放工返去湊囡囡回家

日日如是, 永不間斷!

機械人既生活, 全因無得選擇, 對住所有朋友聚會都提不起勁~

我唔想賴任何人, 但所有問題都係沖著我而來, 我....跟本透不過氣...深深呼吸後又再頂下去...

 

媽咪既噩耗, 永無止境遺下既傷痕, 見親婆婆我都喊到收唔到聲....日子也要過...

你帶給我既壓力....透不過氣.....日子也要過...

囡囡既憂心....呼救無門....日子也要過....

奶奶既角力....身心疲憊....日子也要過....

 

所有問題, 讓日子過...是否真的可以自然遠去....我以為是....

原來逃避傷痛...笑面迎人...最終都係給人一戥即破.....

始終我還是硬得太久.....需要喘息既空間....扛得太多吧! 由我出世於這個世界上, 我註定要一個人.....扛下去...

 

 

 

 

返左新工一個月了, 要pick up既野真係唔多

如果在銆邦那段日子叫做清閒, 那這裡真的要叫空閒...

閒到由九點坐到五點半, 對住個mon 發哂呆

挑戰...就真是無乜..

呢個時勢..打死都唔走...

希望耐左可以多d野跟下啦!!!

而家可以準時收工, 多d時間陪下個女, 都開心架...

鳴謝~~

 

1) Karen (以前上司) 捐出: <==== 最大老闆...嘻嘻!!

    --> 一大袋大肚婆衫

    --> BB 床一張

    --> 千秋一部

    --> 各式各樣小物件包括: 超可愛BB女衫/浴網/泵奶器/入院用品/bb 用品...數之不盡!!!

 

2) JOEY 契媽送出

    --> AVENT 蒸奶樽器

    --> 所有奶樽

    --> 靚靚BB 女衫

 

3) 肥仔契爺送出

    --> BB 手推車一部

   

4) 肥仔契爺 + 契爺朋友 送出

     --> CANON 相机一部

 

 

7) 奶奶 / 媽媽

    --> 湯水 + 薑醋

 

8) 四舅母

    --> 免費陪月..呵呵...

 

9) 公司同事 AVA 姐

    --> 數之不盡 BB女衫 + 湊仔TIPS

 

10) 其他公司同事

    --> 靚靚BB 女衫

 

....等等等等...不能盡錄...多謝多謝...非常感激!!

 

 

 

越來越近了!! 下個月就是B女出世的日子!! B女你越來越重..越來越硬..感覺真的很實在,

有左BB 之後, 人好像比以前更加沉默, 腦內不停盤算很多很多方面既事, 實在很明白為何有人會患上產前抑鬱,

尤其當你身邊既人不懂了解你的想法時, 有時真係感覺很吃力...

 

 

今日上左個客到開會, 開展了癲婆奇遇記序幕

 

第一次見面, 開左成朝會, 所有人都到齊, 偏偏就不見.條八婆

喺差唔多食飯前, 條八婆先衝入黎會議室, 招呼都無打, 就一輪咀係咁講,

由於先前個 MERCH. 走左, 好多野都無講清楚

我地只不過要佢再 re-confirm 一次, 天公地道啫

條八婆一句就開口埋怨:"我講左無數咁多次, 要我再講幾多次先夠"

佢阿姐已經即刻打圓場說:"人地剛接手, 你咪send 多次俾人囉" (好有禮貌地)

唔講仲以為佢高級過佢阿姐, 一睇張咭片, 妖! "M" 之麻, 駛唔駛咁巴閉先

 

第一次見佢前面就憎佢後面, 隻死人眼成人就啤到行一行,

真想大巴大巴扯過去

跟住拜拜都無講, 就一枝箭咁出左去, 無禮貌到呢!!!!

咁難頂既客真係天修囉!!!

 

形容一下佢個樣俾大家知  -------------->

咁你話想唔想打佢?!!

 

激死人!!!公司個MON 無情情發生爆炸, 嚇死人

做做下野突然"BOMB"一聲..以為咩事..跟住個MON 就黑哂..

"TOPCON" 真係無好野..唉!!

 

結果換了個細碼MON 俾我..睇到我眼都盲

真想發癲....

 

所有稍為熟的朋友都走了, 實在很沉悶, 有一刻衝動想辭職算了

不知所謂既"OPENOFFICE", 嚇人既衰MON,

車輪轉的工作環境, 令人洩氣的哥哥姐姐們. 

真叫人窩心~~

 

今天放工后去了我上司家探望她剛出生 十二日的小寶寶

真的很可愛, 不其然又在想生寶寶的問題

她常常催我 "有仔襯嫩生", 但往往認真去想的時候, 腦內就會不斷浮現一幅幅童年時不開心的畫面

我能夠承受嗎? 我會重蹈覆徹嗎?我能帶給寶寶幸福嗎?

很害怕, 但他一點也不了解....

一個我一想起就頭痛的問題,

一個我一想起就會更覺孤單的問題

 

 

 

 

 

 

匆匆地過了我的27歲生辰,

問自己開心嗎? 其實都不太開心

朋友從來沒缺少, 但不知怎地心情實在差透了

 

前天, 發生了很多事令我實在招架不住, 認識的同事相繼離開, 朋友告訴我一個不太好的消息.

很多的變動, 令我頭昏昏.....

 

很想快點平靜下來, 可以嗎?

 

 

 

今日返工極度悶, 又唔想做野, 又超眼訓

病左成個禮拜都未好, 都唔知想點.

見到你好似嬲嬲地, 諗住今日接你放工,

點知你要收十一點, 即刻灰哂

我似好耐無傾過計了,

你得閒時我就去左WET

我得閒時你就要返工

都係好似好少時間相處咁,

一日既時間可唔可以長一點?

前天收到阿豪的SMS, 問我近況如何, 為什麼音訊全無

但我決定不再回覆了

 

這是因為無論你的ICQ, YAHOO 相簿...都仍然發現到月亮的踨影

我想還是不要再給你錯覺吧了!

你聖誕前夕晚給我的ICQ message, 到我幾天後看到時簡直嚇呆了.

你告訴我你是愛我的. 那麼多年來我知道這是因為你不甘心罷了.

那時我才知道永遠都不能和你做回朋友.

我的冷淡可能就是唯一解決既辦法,

我不想再有什麼會影響到我的感情生活

 

多年前, 曾經係自己的網上寫過一封信給你, 可惜你從來無机會看到

可能有一天你會發現尋覓了五年的結果是多麼的殘酷而又不值得

 

二零零二年四月四日----

Dear 豪,

前兩天收到你的信, 有點突然。我唔明白點解你在呢三年來對我仍然念念不忘, 但遺憾的是在這三年來我卻差點將你忘了, 在三年前我對你無情決絕, 我以為你會恨我, 不再留戀我, 但之後City Top 的人話你就算辭了職還時常回去, 她們話你完全為了我,  你可以為左我唔做, 你為左我讀番書, 為左我同你女朋友分手, 為左我哭不成聲, 做所有野去證明你對我是認真, 我卻用最差的說話去傷你, 那只不過想你明白我同你是兩個世界的人, 你問我你真是那麼差嗎?我答你就算你是一個完美的人都不代表我和你會有可能, 一早知無可能的為何還要勉強, 原諒我!我的任性hurt 了你, 三年實在太多了。看到你的信實在很痛, 最痛的是我卻無法令自己愛上你。

 

長大了, 什麼也都會不一樣, 人就是這麼的成長著, 改變著

 

 

 

  

 

 

 

 

我搬入大埔住已有一星期了, 情緒仍然不太穩定.

那天我抱住波子返去老家, 有點感慨

你知嗎? 以前最冷冰冰的地方, 回去那一刻竟是最温暖的,

是我問題嗎? 我在你那裏竟然像回到了小時候老家一樣的不甘不願...

我到底是怎麼了, 感覺像墮落了地獄似的, 是神對我的懲罰嗎?

平靜的渡過了這年的情人節, 你過得可好嗎?

想你必定是很甜蜜, 是吧?

到底有多少年沒有和情人過了, 雖然有情人, 但永遠都不能和情人過情人節

但現在總算有個安慰. 註定你是我的了

新工作都總算如意, 至少他們沒有將我丟棄於一旁, 由得我自生自滅.

但又要重組架構, 將又要面臨一輪考驗, 希望老天爺仍然眷顧著我!