0_0小彤 的个人资料彤心未泯照片日志列表更多  |  工具 帮助 |
彤心未泯真的有耐性嗎? |
|||||||||||||||
|
2009/9/3 幸福嗎?差不多一年無寫blog, 觸碰著心靈的一席話, 令我不其然回來了....
芝: 點解koey 媽咪唔多想傾偈?
芝媽: 工作忙, 又要湊女, 辛苦唔開心有心事咪唔鍾意講野....
對, 我承認女女出生後, 一直讓自己忙下去,
六點半起身沖涼梳洗, 七點餵奶, 整理好七點半出門口返工, 七點放工返去湊囡囡回家
日日如是, 永不間斷!
機械人既生活, 全因無得選擇, 對住所有朋友聚會都提不起勁~
我唔想賴任何人, 但所有問題都係沖著我而來, 我....跟本透不過氣...深深呼吸後又再頂下去...
媽咪既噩耗, 永無止境遺下既傷痕, 見親婆婆我都喊到收唔到聲....日子也要過...
你帶給我既壓力....透不過氣.....日子也要過...
囡囡既憂心....呼救無門....日子也要過....
奶奶既角力....身心疲憊....日子也要過....
所有問題, 讓日子過...是否真的可以自然遠去....我以為是....
原來逃避傷痛...笑面迎人...最終都係給人一戥即破.....
始終我還是硬得太久.....需要喘息既空間....扛得太多吧! 由我出世於這個世界上, 我註定要一個人.....扛下去...
2008/11/19 沉悶的日子--再度重臨返左新工一個月了, 要pick up既野真係唔多
如果在銆邦那段日子叫做清閒, 那這裡真的要叫空閒...
閒到由九點坐到五點半, 對住個mon 發哂呆
挑戰...就真是無乜..
呢個時勢..打死都唔走...
希望耐左可以多d野跟下啦!!!
而家可以準時收工, 多d時間陪下個女, 都開心架... 2008/10/7 多事之秋天....9月16日 -- direct under NA姐...煩囉.. 10月4日 -- 裁員消息傳出, ERIC 第一個中招...證實你真係要走, 好唔想見到咁.. 現實真係咁殘酷...置身其中, 只可說: 身不由己... 各位同事...保重...
2008/4/10 多謝各方親朋好友既支持~~~鳴謝
1) Karen (以前上司) 捐出: <==== 最大老闆...嘻嘻!!
--> 一大袋大肚婆衫
--> BB 床一張
--> 千秋一部
--> 各式各樣小物件包括: 超可愛BB女衫/浴網/泵奶器/入院用品/bb 用品...數之不盡!!!
2) JOEY 契媽送出
--> AVENT 蒸奶樽器
--> 所有奶樽
--> 靚靚BB 女衫
3) 肥仔契爺送出
--> BB 手推車一部
4) 肥仔契爺 + 契爺朋友 送出
--> CANON 相机一部
5) 欣欣契媽 / Wylie 契婆
--> 尿片
6) Carmen 契姐
--> HELLO KITTY BB 枕頭 + BB 女衫 7) 奶奶 / 媽媽
--> 湯水 + 薑醋
8) 四舅母
--> 免費陪月..呵呵...
9) 公司同事 AVA 姐
--> 數之不盡 BB女衫 + 湊仔TIPS
10) 其他公司同事
--> 靚靚BB 女衫
....等等等等...不能盡錄...多謝多謝...非常感激!!
2008/4/4 迎接小生命的來臨越來越近了!! 下個月就是B女出世的日子!! B女你越來越重..越來越硬..感覺真的很實在,
有左BB 之後, 人好像比以前更加沉默, 腦內不停盤算很多很多方面既事, 實在很明白為何有人會患上產前抑鬱,
尤其當你身邊既人不懂了解你的想法時, 有時真係感覺很吃力...
2007/7/21 雞翼館
雞翼館可以食到不同種類, 不同煮法的雞翼, 好似:
哈哈! 一句講哂: 死緊! 剩係買雞翼仲唔死緊!!! 有時諗下d傻野, 見你係咁係度笑, 都幾好啊 ! 2007/7/5 童年回憶呢排興講咩 "集體回憶" ...好像個個都 "懷舊"起來似的.
我們都是這樣長大的:
1/ 我的鞦韆搖搖板......
再找不到你們的踨影, 點解碼頭古蹟可以保留, 我地以前既玩意就一概不留!
2/ 諗極都唔問點解以前d細路可以咁高創作力, 諗埋哂 d 毒到唔毒既說話, 你又聽過幾多呢:
- 死八婆，賣菠蘿，一蚊十二個，賣剩兩個取老婆。
- 大笨象，渣支槍，去打扙，打唔贏，番呢罰佢食碗辣椒醬。
- 大笨象會跳舞，馬騮仔會上樹；猴子會打關斗，山邊有個姑娘；剝衫剝褲沖涼，凸出個Pat Pat曬太陽。
- 團團轉，菊花園，炒米餅，糯米團，阿媽搭凳姑婆坐，坐爛個屎忽唔好賴我。
- 落大雨，水浸街，阿媽搭柴上街賣，阿嫂落地著花鞋，花鞋花腳帶，帶唔晒，留係床頭俾老鼠拉
- 肥佬肥滕滕，買舊豬肉去拜神，行到半路屎忽痕，返到屋企瓜老襯。
- 四眼哨牙突下巴，屎忽嬲嬲下，哨牙可以刨西瓜， 落雨可以遮下巴，飲茶可以隔茶渣，劈友可以擋番吓。
- 一加一，二加二，三加三， 四加四，五加皮，六死你，七個肥婆坐住你，八支槍仔指住你，九龍醫院唔收你，十個棺財等住你。
- 《有隻雀仔》 一蚊一只糯米雞，唔系貴，系最抵，莫衫莫褲任你睇，唔準非禮。 - 《酒杯敲鋼琴》 酒杯敲你個頭, 你阿媽話痛.
因乜..解夠, 酒杯敲你阿爸, 你阿公話痛 難道佢係..你老豆!! - 《神奇大帝》
神奇大帝穿o左個窿，娶o左三個妾氏， 有個放屁﹝冇氣﹞，有個痘皮，有個病到就o黎死。 - 《生日歌》
恭祝你生日撼穿個頭， 慶賀你死埋老豆； 年年都要乞食， 歲歲都要楂兜， 恭喜你，恭喜你。 3/ 零食:
- 眼鏡糖 (個時無錢買聰明豆, 就係買呢隻眼鏡糖食)
- 爆炸糖 (係過口度會爆炸架!)
- 介指糖 (超級甜)
- 甘大滋
- 時興隆粟米卷 (細個專用黎含係口度噴人嗰隻, 而家各大超市同7仔都仲賣緊)
- 穿梭機(雪條- 最上層係朱古力，中層係蜜瓜味，而下層就係青檸味, 好好味架)
- 汽水糖(罐裝) (一個可樂筒裝住的, 仲要係膠拉環, 真扺死!!)
- BB糖(哨子糖) (我以前成日食架!!) - 沙爹魚串 (有支簽桔住黎賣既呢~~)
|
|
||||||||||||||
Wish you all the best!!!
发送私人消息
告诉朋友
添加至您的网络|
|
